ചിത്രകം: പൂക്കൾ

Thursday, June 28, 2012

മേന്തോന്നി (GLORIOSA SUPERBA)

വേലികളിലും മറ്റും പടർന്നുകയറുന്ന ഒരു ഔഷധസസ്യം. നിറത്തിലും ആകൃതിയിലുമുള്ള പ്രത്യേകത കൊണ്ടാവാം, ഇതിന്റെ പൂവിനെ അഗ്നിശിഖ, ചെകുത്താൻ‌പൂവ് എന്നൊക്കെ ചിലയിടങ്ങളിൽ വിളിക്കുന്നത്. ഇതിന്റെ കിഴങ്ങ് പ്രധാനമായും വിഷചികിത്സയ്ക്കും, ത്വക്ക് രോഗശമനത്തിനും ഉപയോഗിക്കുന്നു. അധികം കഴിച്ചാൽ മരണം വരെ സംഭവിക്കാമത്രേ. ഇതിന്റെ കിഴങ്ങ് കഴിച്ച് നടന്നിട്ടുള്ള ചില ആത്മഹത്യകളുടെ പഴങ്കഥകൾ ഞാനീ ഫോട്ടോയെടുക്കുന്നതിനിടയിൽ അയ്യപ്പൻ പറയുകയുണ്ടായി. പഴയകാലത്ത് ഗർഭഛിദ്രത്തിനും, പ്രസവം വേഗത്തിലാക്കാനുമൊക്കെ മേന്തോന്നിക്കിഴങ്ങ് ഉപയോഗിച്ചിരുന്നത്രേ. വിഷാംശമുള്ളതുകൊണ്ടാവാം, ഇതിന്റെ ഇല അരച്ചു പിഴിഞ്ഞെടുത്ത നീര് പേൻ‌നാശിനിയായും ഉപയോഗിച്ചിരുന്നു.

Tuesday, February 28, 2012

നെറ്റിപ്പട്ടം !!!!

തൊടിയിലും അമ്പലപ്പറമ്പിലുമൊക്കെ ധാരാളം കണ്ടിട്ടുള്ള ഒരു കുഞ്ഞിച്ചെടിയുടെ പൂക്കൾ. പേരറിയാത്ത ഈ കുഞ്ഞിച്ചെടി വേനലെത്തുമ്പോഴാണ് പൊടുന്നനെ പൊട്ടിമുളയ്ക്കാറ്. വരണ്ട മണ്ണാണ് ഈ കക്ഷിക്ക് പഥ്യമെന്നു തോന്നുന്നു.... ഇതിന്റെ കുഞ്ഞിപ്പൂക്കളുടെ ക്ലോസപ്പ് എടുത്തപ്പോൾ തോന്നിയ കൗതുകം.....